「你好，呢度係入境處打畀你」，騙徒嘅手法層出不窮，每次聽到呢啲電話都會即刻CUT線，每次都喺度諗點解會咁多呢啲電話，正當我放下手機之際突然間一通電話打過嚟，「你好係咪黃小姐呀？」。佢竟然知道我嘅姓氏！咁啱見有啲無聊就同佢傾兩句計，佢就接住咁講落去，「呢度係海關打電話畀你㗎，我哋懷疑你走私大麻，你而家批貨畀我扣起曬我而家畀你揀一係交500萬出嚟，一係就攞呢批貨做證據告你。」，，我的大麻被扣起我的大麻有大麻煩了，我問到「究竟究竟要點交錢畀你……」「嗱你而家同我預備500萬現金揼去海關總部。」，「好好即刻預備畀你。」，估唔到佢竟然知道我嘅秘密，仲以為佢係隨便亂噏，今次真係有大麻煩。我即刻同我大佬講「大佬我哋批大麻有大麻煩。」，「你究竟點做嘢㗎！！」佢一邊講一邊要手下準備500萬現金，處理大麻嘅大麻煩。

我打電話返去畀海關，「啲錢我準備好喇。」，「你而家將袋錢揼去馬路到，我哋會有人嚟攞㗎喇。」我即刻將袋錢揼去馬路，然後就開車走咗「我已經搞掂啦。」，電話另一邊說到「我哋好快會幫你搞掂㗎啦，你啲大麻唔會再有大麻煩。」，我終於鬆咗口氣。但係點知呢個時候大佬打電話過嚟「又話啲大麻唔會有大麻煩嘅，啲海關過曬嚟喇喎！！」我心諗大鑊喇我再打返電話畀海關「又話唔會有大麻煩嘅」，「其實呢個係電話騙案嚟㗎，哈哈！」我心諗今次唔止大麻有大麻煩，連我都有大麻煩了！！